而家27歲嘅樂瞳喺香港一間大學畢業，為實現去外國學甜品嘅夢想，入行5年都係做網上百家樂荷官。佢接受《星島申訴王》獨家專訪時講，最初係跟同校師姐介紹入行，現時主要喺柬埔寨園區工作，月入6位數嘅港元。

樂瞳表示，雖然每間賭場有唔同發牌規矩，但佢哋似直播主持一樣，需要同賭客互動，建立關係。一般工作時間係8小時，隔一個小時就休息半小時至1小時。 thru 佢嘅直播互動，引來唔少打賞，有賭客贏錢會分一半畀佢。

對於網上賭場嘅公信力，樂瞳話佢做過嘅賭場都冇出老千。不過佢亦唔掩飾見過賭客輸到傾家蕩產，有唔少人會以一三七嘅模式不斷加注，最終血本無歸。

雖然工作收入高，但樂瞳去年已經辭職。佢解釋因為網上荷官工作有年齡上限，用剩嘅7、8年機會適合做自己嘅事。另外已經完成學業，準備喺法國開甜品店。

樂瞳話自己唔鼓勵其他人去柬埔寨等地打工，因為園區治安差，佢一個女孩子都不敢獨自出街。外出都需要安排接送，同公司司機講明要去按摩、洗頭或者做指甲，都係點對點接送。

佢強調自己護照係自己保管，冇被「賣豬仔」，不過依然提醒大家留意地方風險。樂瞳話話∶「我哋唔鼓勵大家去試，因地區風險高，唔同人嘅經歷都唔同，萬一出咗意外就唔好。」