浙江台州九峰景區最近發生一宗驚心動魄嘅摩天輪高空開門事故。10月11日，一名男事主同老婆同細路乘坐該景區今年國慶黃金周新啟用嘅50米全景透明摩天輪，結果發現座艙門未關，被迫坐足全程。

據內媒報導，當日男事主一家以為摩天輪門係自動閂嘅，所以出發時好奇為何升到高空門仍未關。當摩天輪升到近50米時，其他人座艙門已經緊閉，佢哋先發現職員完全忘記鎖門。

因門未關，強風直接灌入座艙，男事主驚恐之下只能抱緊細路縮喺最內側。佢哋用車廂內呼叫系統聯絡工作人员，但對方只係要求「靠裡面坐」，未有采取任何措施。

事後景區只係退票了事。而家網民睇到片段後都唔斷譴責。九峰景區同黃岩區文旅局、市監局10月12日開緊急會議，宣布摩天輪即時停運整頓，並正式開除涉事職員。