内地年輕人愈嚟愈唔拘小節，傾向打破傳統繁文縟節。浙江寧波一對95後新人近日自創「四無婚禮」，無接親、無婚車、無司儀同無跟拍攝影，當日唯一儀式就係新娘父親即場致辭41秒，簡單講「希望大家食好飲好」後便即刻開席。
據內地媒體報導，上海工作嘅95後新娘小朱同丈夫小王，9月分別喺老家宴客。兩場婚禮都徹底省去傳統套路，無接親車隊、無司儀煽情、無化妝同攝影團隊，甚至伴郎伴娘同新人進場环节都唔設。
新娘方面喺咸祥擺45圍婚宴，花費7萬多元人民幣購入高檔食材，由專業名廚主理，推出蒜蓉帝王蟹、小米遼參及白灼黑金鮑等豪華菜式。
最驚喜係佢哋唔沿襲當地送煙習俗，反而向每位到場親友派發200元利是，送過禮金嘅人仲加100元，單單利是就花咗六、七萬。
