蔡天鳳案今日在高等法院進行第14日審訊，其母親張燕花繼續出庭作供。面對辯方質疑她身負賭債，前女婿鄺港智及女兒曾代還債務，其坐駕亦曾因欠債糾紛遭淋紅油等說法，張燕花表現激動，怒斥鄺港智「畜生啊咁抹黑我」。佢未諱言欠鄺港智15萬購物費用，反譏對方「無良心」，指「15萬都收」。
代表鄺港智的辯方大律師安華暉指責張燕花未登記加多利山豪宅於其名下，且曾將曼克頓山單位辦理二按，皆因她欠賭債需女兒套現。佢更透露鄺港智曾支付約37萬為張還債。張燕花當庭否認，指「無可能！佢有錢畀我？你自己睇下良心，畜生！佢15歲嚟到我屋企，我當佢係仔，佢幫我還賭債？」佢強調37萬應係大陸賣車及海南賣屋所得，並指鄺港智「咁嘅大話都講得出」。
辯方展示張燕花私家車被淋紅油照片，質疑她因拖欠賭債遭追數。張燕花指已報警，警方查明事件與債務無關，且系多年前與一名女子嘅金錢瓜葛。案中主要調查員高恩祺供稱，張燕花曾講述淋紅油事件與賭債無關，並承認自己會打麻雀，但強調只屬娛樂，每次「十萬八萬上落」，未曾因輸錢需要女兒或鄺港智還債。
對於鄺港智在內地嘅生意，張燕花指全數由蔡天鳳支助，且知悉有營商協議。她認為蔡天鳳因擔心債主到來，才與鄺港智隱瞞生意賺錢事實，但強調鄺港智投資根本「唔曾賺錢」，「攞嗰啲錢係亂使」，並指「一蚊都無攞返嚟過」，怒言「我同鄺港智幾乎日日視頻，佢啲新鮮蘿蔔皮唔好再吹，全部錢都係啊女俾佢㗎」。
辯方聲稱鄺港智帶鄺球同女友見孫兒，引發蔡天鳳與鄺港智嘅重大糾紛。張燕花否認，指爭執主因係蔡天鳳想收回加多利山物業及資產，且鄺港智原本唔願賣樓，直到蔡天鳳講明會採取法律行動，張燕花又質問鄺港智，對方才同意賣樓。
