德朗邨懷疑虐老謀殺案，93歲老婦疑因長期被印傭虐待而喪命，事件引發社會對長者照顧問題嘅關注。香港防止虐待長者協會助理總幹事林文超表示，個案凸顯長者與世隔絕同身邊只有傭工嘅風險，當局需加強監察防止悲劇重演。

林文超指出，現時長者申請入住老人院就可獲得「長者家居照顧卷」，金額由三千至九千元不等，可用嚟支付派飯、家居清潔及物理治療等服務。佢強調，每日有家務助理接觸長者，若發現傷痕便能及早處理，較唔會出現關注度低嘅情況。

佢又指出照顧長者屬複雜嘅工作，包括洗澡、大小二便同餵食等，一般女傭未必適合。林文超讚賞勞工及福利局局長孫玉菡推動輸入具備專業護老技能嘅家傭計劃，預防因照顧不周或溝通問題導致衝突。