大家下午好，我好高興參與今日（十月十二日）由香港文化藝術界國慶籌委會主辦嘅「區區有戲睇」開幕儀式，同各位文藝界同袍聚首一堂，共賀國慶。

籌委會多年來團結香港文化藝術界人士，喺唔同地區舉辦國慶慶祝活動，促進交流。今年已經係「區區有戲睇」第三屆，活動理念同文創處CCIDA推動電影發展、觀影文化同拓展觀眾群嘅方向一致。

今日選映嘅開幕電影《歡迎來龍餐館》以二○○三年伊拉克戰爭為背景，講述沈騰飾演嘅廚師徐福為還債遠赴中東開中餐館，喺戰亂中掙扎求生並守護孩子嘅故事。影片以小人物嘅經歷傳遞珍惜和平、守護下一代嘅正面信息，更代表中國內地角逐第九十九屆奧斯卡最佳國際影片。

為加強傳遞中華文化嘅魅力、價值同智慧，文創處自二○二五年起推行弘揚中華文化電影製作資助計劃，由電影發展基金資助，鼓勵更多創作聚焦上述目標。希望唔遠將來，入選影片可以面世，供大家欣賞。

我祝願祖國繁榮昌盛，每位朋友身體健康，並預祝「區區有戲睇」活動順利進行。現我亦十分期待，大家就一起觀賞電影吧。多謝大家。