近日有市民喺港鐵鰂魚涌站月台牆身發現一部懷舊嘅米黃色撥輪電話，機身設有傳統旋轉式數字撥輪同螺旋紋電話線。電話旁邊有一塊寫「召援專綫」嘅指示牌，說明如需協助，可提起聽筒聯絡車站控制室。
據港鐵官方資料，車站大堂同月台（輕鐵除外）均有設置「召援專綫」，俾乘客喺緊急情況或查詢時聯絡控制室。
貼文一出，網民即時熱烈討論，有人指出其實呢個位置就係鰂魚涌站。唔少人對佢嘅外觀感到懷念，形容「古早味濃郁」，好多歷史氣息。有網民説「聽筒可能掟極都唔爛」，甚至話「證明真係靚嘢，好襟用」。
有網民指出其實呢部電話兩年前已經引起網絡熱話，當時有估計佢「分分鐘半世紀歷史，機會係英國製造」，並話作為專綫電話「唔需要用轉盤，因為係直線」，估計自啟用以來「只係用過幾鐘頭都無」。網民又好奇「今日嘅小朋友識唔識用㗎」，認為年輕一代可能已經唔識用呢種舊式科技。
資料來源：l.ctak_、22.00.21.96＠Threads 同場加映：有內地遊客誤坐港鐵優先座位被「一直盯住」，即使急急讓座同道歉，仲被睇低眼感無奈。港網民諗「連本地人都唔敢坐」。
