憑藉TVB真人騷《女神配對計劃2》爆紅嘅方智弘（Oscar），因混血外貌同「洗冷氣師傅」嘅貼地職業形成強烈對比，迅速成為網上熱話。昨晚（11日）佢喺《東張西望》接受訪問，除咗即場示範洗冷氣技巧，更公開多張童年及中學時期舊照，親自回應外貌變化。 面對主持梁麗翹指佢「整容」，Oscar大方講出自己嘅蜕变過程，強調並無後天加工，係自然變化。佢話自己中學時係單眼皮肥仔，鼻樑唔如現在高挺，更曾經因外貌唔如兄姊而向上天祈禱，希望得到雙眼皮同英俊樣貌。 26歲嘅Oscar擁有中、葡、芬三國血統，曾係男團OneUp成員同參與《全民造星V》選秀，一直追夢歌手。不過佢喺《女神配對計劃2》中自稱係洗冷氣師傅，職業一度引發質疑。昨晚訪問中，佢即席示範清洗冷氣步驟，由判斷骯髒程度、講解清潔種類，到解釋滴水原因，都表現專業。
