而家中國汽車市場競爭激烈，部分車廠唔係卷質量，而係卷速度，用仿真實驗取代實際路測，或者減少驗證項目，跳過一啲流程，所以「速成車」問題變得嚴重。《人民日報》昨日報導指出，「速成車」指企圖以壓縮研發週期方式，減少實車驗證步驟而推出嘅車型。
文章引述車廠測試工程師解釋：「一款新車型僅在測試流程中往往便需要完成制動、轉向、操穩性、平順性、動力性、經濟性等基本參數測試。此外，高溫、高原、極寒標定和環境適應性里程測試也都必不可少。」完成這些測試，自然要付出相應時間。
同濟大學汽車與能源學院教授朱西產表示：「新車型整個開發週期，整車道路測試需要兩冬兩夏，即係兩個冬天同兩個夏天。即管係小改款，一冬一夏、3萬公里真實路測都係必要嘅。」有唔少車主投訴速成車易生鏽，當中濕熱、腐蝕性測試缺失係主要原因之一。呢啲偷工減料嘅後果最終由消費者承擔。
文章以一間未具名嘅新能源車廠出例子，指出佢哋新車門把手測試總共1萬次，當中只有2千次係實物測試，其餘8千次都係靠仿真的。文章指出，追求上新速度嘅「速成車」唔但難以長期立足，而且容易出問題。中國新能源產業近幾年由低速發展至高速，當前嘅產業生態、社會信任同消費者口碑，都需要行業各方一齊維護。
