新皇崗口岸今日（12日）6時半啟用，6條日間專營巴士路線同日投入服務，當中B10線總站設於葵翠邨。《星島》記者凌晨5時抵達現場，見候車人數約十人，不少係巴士迷。

排頭位嘅巴士迷「茄子」凌晨3時已開始排隊，表示今日B10巴士首航，特意前來拍照留念同乘搭首班車，打算過關後即刻返程。

尹太同尹生凌晨5時15分到場，因覺得新口岸大樓「好靚」，欲坐首班車「去睇吓新嘅口岸」，又指以往試過用舊皇崗口岸通關，期待新口岸服務會更好。作為退休人士，二人打算在深圳周邊消遣，冇特別計畫，預計今晚返港。