而家旺角中心商場1樓一間首飾店爆出衝突，3名女子被警方以涉嫌在公眾地方打鬥拘捕。當中49歲的陳姓店員報稱受傷，由救護車送往廣華醫院。另外50歲及39歲的美甲師則由警方帶返警署作進一步調查。
網傳3段影片中，見短髮首飾店職員遭銀髮美甲師從後箍住，同時被長髮美甲師扯髮。期間更有人用硬物狂插其頭部，現場一片混亂。有圍觀人士大叫：「你唔好再搵嘢插佢」、「唔好打喇」、「快啲報警呀」。雖然短髮女不斷掙扎，又用手拍打長髮美甲師面部，但對方未肯放手，雙方持續拉扯，撞落儀器及桌子。
據網民透露，短髮女同美甲店員工早前已因爭執積怨，而較早前再次發生爭執，佢認為條氣唔順，返美甲店向人吐口水，最終引發今次衝突。
