香港單車節今早（11日）開跑，多個地區實施封路措施。不過網上流傳照片及影片顯示，有一對穿便服男女喺屯門公路路肩位置騎共享單車，當場更有一輛警車疑似到場截查。事件曝光後立刻引起討論，有網民留言諷刺：「單車節今朝完咗啦喎，你兩位想後join?」「我踩得慢離咗隊～ 你哋又歧視我嘞！」「大佬呀！單車節完咗喇！」「人哋琴晚出發，不過未去到目的地參加比賽」等。
據最新消息，該對男女後來又喺屯門公路近「30橋」位置被拍到推單車，時間係今日下午1時08分。佢哋喺快速公路行駛，根據《道路使用者守則》，單車被視作車輛有道路使用權，但唔得入隧道區、管制區或快速公路。
