昨日（10月10日）係梅艷芳63歲冥壽，但其家人卻透過歌迷會聲明，指大嶼山寶蓮禪寺海會塔安放嘅骨灰於今年7月離奇失蹤。報案至今近三個月，骨灰仍未尋回，消息引發全城憤怒。《星島頭條》聯絡歌迷會會長Eva，佢表示自己昨日先知悉事件，歌迷對骨灰失蹤十分震驚同唔開心，並強調會徹查真相。
網民「precious.cantopop」喺Threads轉發照片，顯示2025年7月左下方螺絲已出問題，至同年9月右下方螺絲鬆脫，方向唔同。Eva翻查照片後證實，螺絲確實一年前已鬆脫。佢估計若真係被人拿走，可能已經發生係個時間，但唔明對方動機同目標，指「如果係勒索，應該有對頭人，但而家佢哋唔係咁。」
當問到是否考慮過系歌迷所為，Eva相信真正歌迷唔會做呢種事，因大家每年都會去拜祭。佢提到有靈異現象，例如拜祭時唱歌會連環爆玻璃、有魚蛋同飛蛾跟住佢哋，因而相信阿梅喺度繼續守護歌迷。佢話會用正能量面對事件，又希望警方同管理公司能徹查真相。
至於梅啟明懸紅5萬緝兇，Eva表示唔會回應其他人嘅事。佢強調骨灰係家人嘅問題，作為fans唔能夠管，雖然有唔少疑問，但只能夠做正事，唔參與是非八卦。佢又建議大家去剛翻新嘅梅艷芳銅像，認為係個好去處。
