「新鴻基地產香港單車節2026」今日正式舉行，三個主要項目包括國際單車聯盟（UCI）1.1級公路賽、「56公里組」及「32公里組」非競賽騎行。今屆公路賽冠軍由法國車手Paul Magnier奪得，佢賽後接受訪問時表示，香港賽道雖然較短，但整體設置有速度感，選手之間的進攻搶位尤其有看頭。
Paul Magnier指比賽最後200公尺係全場最難部分，因該路段為逆風段。佢透露自己喺距離終點200公尺嘅迴旋處位置唔算理想，不過車隊有為佢領騎，最後順利發動衝刺，對奪冠結果感到滿意。
關於沿途風景，車手坦言比賽過程無機會欣賞路邊景色，不過佢抵港後有四處遊覽，體驗相當唔錯。雖然本身係職業車手，飲食上有節制，但依然嘗試一些香港特色美食，認為風味與家鄉大不同，值得體驗。
