又到食蟹季節，廣東網友喬凱文6日喺微博發出一張三點蟹特寫照片，佢喺帖文寫到：「媽媽我真的看到holy蟹了」。照片中蟹殼內蟹膏同蟹組織自然組合成似人形嘅輪廓，引起網民熱議。
貼文背景可見切好嘅西瓜，明顯係一頓海鮮聚餐嘅随手一拍。雖然原係普通食飯照，但意外成為熱門話題，連帶「holy蟹」一詞受關注。
評論區爆出唔少玩梗留言，有網民驚嘆：「讓你吃到耶穌呀！」亦有人建議：「可以放eBay拍賣」。另外有留言以溫柔口吻接招：「耶穌愛你」。
唔少網友表示初睇照片非常震撼，笑言係海鮮界嘅天選奇物，自然形成嘅浮雕稱之為「厚禮蟹」。
