旅發局主辦嘅「2026新鴻基地產香港單車節」而家（11日）舉行，設有不同單車比賽、騎行項目同嘉年華活動，有參賽者表示活動「好玩」，因可以騎單車去到平日一般人無法進入嘅昂船洲大橋等，並透露明年會繼續參與。
嘉年華於西九大草坪舉行，市民林先生同女友參與32公里組項目，佢哋話活動「幾好玩」，可以親歷平日唔得入場嘅特別路段。林先生又指，喺會場獲取唔少實用贈品，包括單車清潔保養用品、毛巾同水壺等。
以情侶同遊嘅觀點，林先生覺得嘉年華體驗唔錯，會場亦有吸引女性參與嘅活動，例如彩繪體驗等。佢強調活動安排合乎期望，並樂意繼續參與。記者：周育瑩 攝影：蘇正謙
