昨日（10月10日）適逢已故天后梅艷芳63歲冥壽，梅艷芳國際歌迷會突然公開指自今年7月18日派員前往大嶼山寶蓮禪寺海會塔拜祭時，發現梅姐骨灰不翼而飛，懷疑遭竊。歌迷會報警後至今近三個月仍未尋回，最終決定於冥壽當日公布消息。梅啟明獲知後情緒激動痛哭，表示將懸紅五萬港幣協助尋回骨灰，並怒斥偷竊者「衰過我多多聲」。
梅啟明昨晚與網台「鼎豐盛」主持淦泉訪談時，透露已逾1年未有到寶蓮禵寺海會塔拜祭胞妹，當接獲傳媒電話知悉骨灰失蹤後才驚覺。佢指梅媽梅覃美金嘅骨灰亦同樣不知所終，令佢心力交瘁。而家警方仍未有進展，佢強調單靠警方調查只能被動等待，若能動員群眾力量，尋回機會將大增。
面對外界對佢「貪財」與「爭人錢」嘅指責，梅啟明激烈反擊，指偷人骨灰屬極度缺德行為，並強調「根本衰過我多多聲」。佢承諾一旦尋回骨灰，日後必定更保密安放，防止同類事件重演。訪談尾聲，佢情緒激動，痛罵「個天都唔會放過呢啲人」，並希望胞妹在天之靈能助佢尋回骨灰。
相關閱讀：梅艷芳骨灰被竊｜家人於梅姐生忌發文緊急呼籲盼盡快尋回：讓梅姐早日重新安息
