台灣領導人賴清德今日（10日）喺台北雙十慶典上發表講話，指增加防衛投資係為嚇阻戰爭，唔係挑釁；強化自我防衛唔代表放棄對話，而是確保對話基於對等同尊嚴。
賴清德話過去一年世界唔夠平靜，戰爭同威權持續擴張，全球經濟面對關稅、能源同紅色供應鏈嘅多重挑戰，但台灣冇退縮，反而喺變局中站穩腳步，展現令人驕傲嘅韌性。
佢喺雙十講話中樂見美國同中國對話減低衝突風險，並強調要維護區域安全、和平同穩定，唔但要正確理解歷史發展，唔可以扭曲二戰歷史，亦要尊重台灣人民生存嘅權利。
賴清德表示：「我們明白衝突嘅代價，所以選擇以堅持和平為己任，做國際社會信得過嘅穩定力量。不過，要維護地區和平，唔但要正確理解歷史發展，絕對唔可以扭曲二戰歷史，更要尊重台灣人民生存嘅權利，同埋結合印太地區民主國家嘅共同力量，唔讓區域和平穩定嘅現狀被改變。」
