湖北宜城市千和百貨店年初二（2月18日）發生爆炸，造成12人死亡，當中5人屬未成年人。官方調查報告指事件係因有客人違規喺店門外試放雙響爆竹『震天雷』，第二響爆破引燃店外大量煙花，最終導致店內爆炸。
根據湖北省應急管理廳9號公佈嘅《『2·18』重大煙花爆竹爆燃事故調查報告》，涉事煙花店經營者林辰飛（26歲）負直接責任，但因已死亡，官方表示唔會追究刑事責任。
現時正調查嘅男客謝威龍（26歲）涉嫌過失以危險方法危害公共安全，已被公安機關逮捕。報告另外指出，爆炸時有民眾逃入店內，但前門受阻、後門關閉，導致無法及時逃生，造成嚴重傷亡。
