喺高效率嘅香港，排隊秩序一向係社會默認嘅潛規則。不過日前有港人於社交平台分享，喺便利店付款排隊時突遭後方男子要求插隊，理由係「增值好快」。事主當場冷靜反駁，一句「依家唔係快唔快嘅問題，我俾錢都好快！」成功阻嚇對方，令佢知難而退。
當日事主喺便利店排隊準備付款，前面已有數人輪候。至到輪到佢時，後方突然有男仔理直氣壯話：「俾我增值先，好快！」事主坦言當時相當無奈，不過立即以霸氣回應，強調「我俾錢都好快」，最終順利完成付款。佢事後更唔解當下人可以咁老奉，留言話：「心入面不斷諗，點解依家啲人可以咁老奉？」「排隊係文明（嘅表現）」。
事件曝光後，有網民留言支持事主嘅行為，讚揚「讓係人情，唔讓係道理」。亦有意見認為，若果只有自己同佢二人，且態度禮貌，可考慮讓一讓。不過若後方仍有其他人排隊，就唔會作出讓步，因為「讓咗佢，其實等如幫佢打緊後面既人尖，對後面守規矩排隊嘅人極不公平。」
同場加映嘅報導指，有茶客唔滿旺角某酒樓「飲茶塞$20免排隊」嘅做法，聲稱與帶位阿姐同阿伯有「檯底交易」。負責人表示會查看CCTV資料，並嘗試平反當日事件。事件涉及歷史遺留文化問題，亦喺網上引發討論。
