秋風起蟹腳癢，內地大閘蟹市場近日驚傳「全線崩盤」，話題衝上熱搜。中秋國慶長假期後，中小型大閘蟹價格大跌，上海等地街頭甚至有每隻5蚊人民幣嘅「地板價」。
有市民喺上海普陀區沿街攤位見到南京高淳產嘅中小型雌蟹，每隻只得5至6蚊；太湖3両左右嘅公蟹亦只賣10蚊。武漢市場更出現「百蚊5斤」（大陸斤，約2.5公斤）嘅甩賣潮，好多市民驚喜表示撞到大閣。
有專家指出，今年夏季無持續高溫，良好嘅生長條件令河蟹「多蛻一次殼」，全產區增產約10%。加上以往支撐銷量嘅企業送禮同「紙螃蟹」蟹券炒作降温，消費者返嚟理性自用，使普通貨出現踩踏式跌价。
市場並非全線滯銷，3両以上母蟹、4両以上公蟹嘅貨源依然緊張。上海浦東養殖基地表示，半斤以上嘅優質本地大閘蟹出水價仍約150蚊一隻，公母一對賣300蚊，高檔精品依然供不應求。
