重陽節連同周末有3日假期，不少人選擇北上度假，各個口岸都面對人潮壓力。有網民喺多個社交平台發文，指由昨日開始，深圳灣口岸過關人龍密密，情況一度逼爆。

有網民喺Threads發帖，指昨日(16日)經深圳灣過關時，發現口岸排起超長人龍，形容係「爆多人過關」，並諷刺「重陽北上要睇路」。根據帖主影片顯示，深圳灣口岸設有鐵馬管制，人哋都根據鐵馬排隊，而10多秒的過關片段全係人潮涌動。

今早深圳灣口岸情況依然嚴重，有網民喺FB發文指，B車過境站排滿人，等巴士嘅人龍一望無盡。佢哋亦指出內地關口雖然實施人流管制，但實際上只需15-20分鐘左右就可過兩邊關，無需過度擔心。