而家正熱議嘅「健碩副校長」事件，源於聖公會阮鄭夢芹銀禧小學（大埔）資優教育發展組組長李偉銘副校長喺香港科技大學作客席講者。學校喺社交平台刊登相片，展示李副校長分享「超越AI：引航未來教育課堂實踘」內容，結果網民將焦點放在佢嘅健身身形上，諧趣留言如「現在嘅小學副校長係咪有呢種質素？」，隨即帖文吸引近2萬Like。
面對網民熱情，李副校長高EQ回應：『至於我件衫，無錯係緊咗少少，最多嚟緊出糧買件大啲?』。佢更呼籲網民將關注點放回學校教育工作同學生成就，並唔忘自嘲：『一人做事一人當……有咩你私下inbox我，交流教育心得！』此番回應獲眾多網民好評，更發現佢私底下游泳健身，常於IG分享結合AI、英文學習同運動嘅教學內容。
李副校長亦就講座用簡體字解釋：『當日班別同學剛完成midterm，出席者多為內地生同外国人，所以採用兩文並行。其實我有繁中及英文版，喺其他場合會用，以觀眾群選擇語言屬合理。』有網民留言支持：『我明你嘅體貼。』
作為香港首批Apple Distinguished Educator，李副校長早年已推動數碼教學。佢引入短片同應用程式拓展學生視野，甚至模仿YouTuber拍片介紹香港，提升英文寫作同表達動機。佢更帶領學校於2023年引入ChatGPT協助學習，應用AI工具推行「Learning Detective Report」自主學習模式，強調數據私隱同成本效益，冀以科技激發學生思辨能力。
