連鎖壽司店「壽司郎」再開分店！有網民喺社交平台發文，喺屯門V City發現有舖位掛起「壽司郎」及「OPENING SOON」字樣嘅圍版，並指即將於2027年第2季啟業。同時，網民表示「壽司郎」目前港內分店總數已接近50間，因此被譽為「Gen Z茶樓」。
睇樓主提供圖片，V City其中一舖位已封圍版，預計2027年第2季開業。假設分店確定啟業，將成屯門區第3間，距離屯門市廣場店僅一街之隔。事實上，屯門區設3間分店並唔係首例，目前將軍澳區已有4間，分別為康城店、將軍澳廣場店、坑口店同寶琳店。
自2019年入港，「壽司郎」以高性價比吸引市民，7年間分店數目擴展至近50間。不過，不論有幾多分店，店外人龍依舊，因此被網民諷喻為「Gen Z茶樓」。而「壽司郎」亦曾喺官方Threads上打趣，上載「點心紙」，但強調‘圖片純屬創意，無點心紙order服務’。
唔少網民對屯門揾到第3間分店感到興奮，留言有「屯門大贏」、「好正好多壽司郎」、「屯市尋日平日夜晚都排3xx個，整多間都唔夠做」等。雖然分店增加，但佢哋仍睇淡人龍問題，認為‘無最多人，只有更多人’，即係分流左搭輕鐵嘅屯門街坊直去V City。
文：TF 資料及圖片來源：threads、壽司郎官網
