網絡今早（15日）傳出一段影片，見一對男女喺葵芳邨車閘入口對開發生爭執。男子不斷大叫「警察嚟緊等警察處理！你自己跌㗎唔關我事！」，而女子情緒激動，批評對方：「你整到我咁樣嫁！你打我呀！」，男子則反駁：「我無掂過你呀！你自己撞埋嚟㗎！」。
雙方繼續爭執，女子試圖離場却被男子攔截，最終跌倒地上。救護車及警車隨後抵達，警員上前分隔二人並提醒女子「你冷靜啲好無？」。事件中女子坐草叢哭泣，男子則被警方帶離現場。
有網民指影片中男子為的士司機，疑因女乘客未付款而起爭執，並提到「一早已經喺林金殿（佛教林金殿紀念小學）門口嘈咗好耐」、「應該係個女仔搭咗的士冇畀錢」。
今日（15日）晚8時42分，警方接獲一名56歲姓楊的士司機報案，指閘早接載一名41歲姓任女乘客到葵芳邨，對方拒付200多元車費且滿身酒氣。警員到场後發現女方手部擦傷，但拒絕送院，最終由其父親支付費用。案件暫列「發現醉酒人士」，無人被捕。
