TVB戀愛真人騷《女神配對計劃2》自開播以來話題不斷，各位女神同求愛勇者唔單止在節目中有睇頭，社交平台互動仲頻頻吸引觀眾關注。當中，阮嘉敏因大方得體人氣急升，同來自內地專程求愛嘅吳旭東組合最得人心，唔少網民早已經認定佢哋「配對成功」。
阮嘉敏日前喺IG分享換新髮型嘅照片，坦言剪短頭髮有唔捨。短髮造型至鎖骨位置，搭配白色吊帶連身裙同標誌性微笑，顯得青春明媚，吸引大批粉絲讚譽。而東東見狀立即留言示愛，深情問：「唔知可唔可以有幸成為那個以後給你吹頭髮嘅人？」
不過當網民問起照片是否由東東拍照時，佢卻無意中透露已回西安。由於節目而家仍在錄製，東東明言返回內地老家，令一班CP粉絲驚訝同擔憂，懷疑佢已經被阮嘉敏放棄，提早淘汰。
東東嘅留言在網絡引起熱烈討論，有網民指阮嘉敏最新照片中配戴嘅Chanel手袋同鞋子屬高檔品牌，而東東年薪約二十萬，經濟實力差異太大，似係係唔同世界。有觀眾更擔心若成眷屬，女仔或要倒貼「養仔」。
另外有網民從事業前景分析，指AI盛行時代短劇演員競爭愈來愈激烈，東東前途未明，甚至有留言說佢連香港租酒店都成問題。亦有意見指出佢性格有缺憾，擔心阮嘉敏會被「PAU」（心理操控），勸喻女神要保持清醒。
