日前有港人喺商場見到少女背囊完全未拉，處於「中門大開」狀態，主動提醒結果對方無任何謝意，反而責怪佢「多事」。樓主自嘲「可能唔應該太多事嚇親人」，又反思「而家基本禮貌嘅標準同我認知好唔同」。
帖文引發網民熱議，有意見指「閒事莫理，大把香港人無禮貌」，更有人質疑「睇唔到你唔該都無句」。有網民形容涉事少女「冇教養」，並安慰樓主「你好好心，唔好俾佢影響到」。
仲有網民爆出「好心無好報」實例：有人喺台灣地鐵提醒女生手袋開啟，結果遭對方極不友善對待，自嘲「ok係我多事咗！以後都唔會再咁好心」。
有「成手紋身」嘅網民喺巴士提醒乘客背囊未拉，結果對方疑誤會佢行竊，睇到唔該都無句。另外有例子喺旺角商場提點他人袋子大開，對方竟黑面「唔該都無聲拉番個鍊就行開」。
日常無禮行為實在多：有人大聲喝止3人衝紅燈，結果對方繼續大笑無回應；有港男幫Hold電梯門都無人道謝，自嘲「好多時幫手Hold門都無人講唔該，好想一腳踢返依啲人出去」。
不過網民中亦有理性意見指出：「你做嘅係好人好事，就算當事人冇感激你，都唔會影響到你做呢件事嘅本意」，強調出發點重要，建議「施恩莫望報」，若介意下次就唔好做。
