25歲韓國網紅柳智媛（유지원）平時經常喺社交平台分享跑步及賽事日常，受粉絲追隨。而家傳出她喺11日參與「2026 SEOUL RACE」半馬拉松時，於距離終點約500米處突然倒地，最終不治。主辦單位證實佢喺完成20.6公里時失去意識，急救後仍無救。
首爾半馬比賽主辦單位表示哀悼，並呼籲有心臟病家族史、三高或肥胖人士參與長跑需特別留意。柳智媛生前係韓國科學技術院（KAIST）主力研究AI嘅高材生，自2022年起熱衷長跑，消息曝光後令大批粉絲驚痛。
心臟科專科醫生鄭裕康指出，馬拉松等極端運動風險因人而異。35歲以上人士猝死多與心血管問題有關，而低於35歲年輕人則可能因隱性心臟結構問題如肥厚型心肌病、心律不正，或電解質失衡引致。
佢強調參與馬拉松需預備充足，半馬宜提前半年開始訓練，全馬則需一年。運動前後要注意保暖、熱身、補水及電解質，如有不適即刻停止並尋求醫助。跑步禁忌包括唔可飲冰水、跑後唔宜即刻坐下，並需留意四大警號：心口翳悶、左眉/左手/下巴不適、氣促、頭暈，或持續心悸30分鐘後未改善。
資料來自IG@mta1n_0ne同心臟科鄭裕康醫生。延伸閱讀：刷牙都氣喘或有心臟問題，專家教識辨4大警號。
