三間巴士公司早前相繼提出加價申請，申請加幅今日（14日）經立法會文件曝光。九巴申請加幅達16%，城巴（市區及新界）為17.7%，嶼巴則為9.8%。
多區市民指日常經常乘搭巴士，擔心加價幅度過高會加重生活負擔。有市民劉小姐表示，自己日日搭巴士上班，單程費用已達20多元，直言：「多梗係唔想㗎啦，搭車一定有壓力，長途嘛，對遠程乘客會好辛苦。」佢認為即使加價，亦應透過其他方式提供車費回贈。
另一位市民鄭女士同樣表示：「最好唔好加咁貴囉！」佢指公共交通屬市民必需品，加價「令民生慘」，又認為自己不可能減少出行，加價勢必要多花錢。
不過亦有市民黃先生接受加價申請，指多家巴士公司多年冇加價，加價情有可原。佢提及伊朗局勢影響油價，令巴士公司承受壓力。雖然自己日常單程車費接近30元，但認為加價勢必要影響其他時間出行，呼籲政府增加交通津貼以補貼市民開支。
