隨着本港出生率持續偏低，社會對生育觀念同「養兒防老」嘅討論从未停歇。一名19歲女大專生喺社交平台發文，控訴家中年屆六旬同七旬嘅父母突然「登六踏七」退休，随即反悔昔日供讀大學嘅承諾，要求佢獨力供養家庭。面對經濟壓力，佢坦言自己每月先賺得3,000幾蚊，既要繳學費又要應付父母開銷，坦言「其實冇錢真係唔好生仔，點解要生我出嚟」。
髮文指出父母曾親口承諾負擔大學學費，但現時改口以「養到我18歲已經算好」為由，直接轉嫁養老開支。網民嘆高齡生育唔係愛，係負累，認為當父母40多歲生育，到孩子成年時己達60多歲，「呢個唔係一份愛，係負擔」，同感子女將成年後需獨力照顧父母，自身亦處於奮鬥階段，父母反而成負累。
亦有網民強調，年輕時應未雨綢繆安排好養老生活，唔應該依賴子女。而面對事主嘅委屈，有留言指「可惜佢哋唔係咁諗」。網民更直言父母將子女帶來世上冇預設恩惠，若父母年老仍執意生育並強求養兒防老，實係自私行為，將糊塗人生轉嫁下一代。
為解圍，有網民建議申請長者生活津貼，每人每月可獲逾4,300元，兩老合共可得8,000多元，支援條件甚至高過現時兼職收入。同時間，真係經濟困難可查詢社署綜援或高齡津貼，善用社會資源解決基本需要。針對學費問題，網民提醒事主可申請學資助專上課程學生資助計劃（TSFS或FASP），有機會獲全額學費資助同生活費貸款。
心理層面，網民鼓勵事主學懂「課題分割」，唔應被傳統道德枷鎖束縛。有建議指「生唔生佢哋揀，養唔養就你揀」，強調成年後應自主決定生活安排，有能力便申請宿舍或搬出獨立。不過有網民認為，即使半工讀收入有限，亦可以象徵式分擔數百蚊膳食費，「父母對你好就應該回報」，喺自身能力範圍內尋求平衡。
