為防學生沉迷手機，內地多間學校都設有禁手機入校規定，但部分商戶睇準機會，推出多款偽裝成日用品嘅「藏手機神器」。呢啲產品可偽裝成水杯、台燈、鬧鐘出至飯盒，宣稱能夠閃過學校嘅金屬探測儀同警方突擊檢查，引發社會討論。
據電商平台數據，相關商品價格由數十元至百多元人民幣不等，部分產品標榜「防金屬探測器」「雙層暗格」等功能，佢哋更強調可上鎖以防止其他學生發現。有商品累計銷量逾4000件，顯示市場需求殷切。
有銷售隱藏式水杯嘅商戶解釋，佢哋嘅產品外觀同普通金屬水杯無異，杯身分上下兩個空間，上半部依然可以用嚟裝水，打開底座就可藏手機。而家有唔少學生喺評論區留言查詢購買連結，顯示該類商品受到學生歡迎。
